গাবুরো অকতট প্রবজ্যালোই মুক্তির সুধোম দেগেলে,
ধুতাঙ্গশীল পালেন্যাই গভীন ঝাড়ত সোমেলে।
ভালক বজর সং সাধনা গরি তুই দুগোত্তুন মুক্তো অলে,
চাঙমা জাদত্তুন আগমলিম ওই ধর্ম পত্থান দেগেলে।
দোয়ে গরি ভালক বজর সং ধর্মআন শিগেই গেলে,
চাঙমা জাদর ধর্ম বিজগ নুওগরি রজেই গেলে।
তরে দেনেই প্রবোজ্যে ললাক গাভুর লগে শদে-শত,
সোয্য গরি-ধৈয্য ধরি এব আগন তর শাসনত।
শীল-সমাধি-প্রজ্ঞালোই জীংকানি দোল গত্তন,
চেরোহিত্ত্যে দেজ-বিদেজে বুদ্ধ-ধর্মআন বিল্যায় দি যাদন।
ভান্তে তর দেগেইদে পধে আমি বেক্কুনে আদিবোং,
নির্বান যেয়োজ বিলি মনান চিগোন ন গরিবোং।
ভান্তের নীতি শিক্ষ্যেলোই আমি মুজুঙেদি উজেবং,
ত দোক্কেন কন এক সময় আমিও দুগোত্তুন ছড়ান পেবং।
হেমা-মৈত্রী দোয়েলোই বেগর সুগ-ভালেদি ওক,
পূজ্য ভান্তের একশ’এক হেবর জন্মদিন্নো শিজি ওই উদোক।
Posts
